സ്വാഗതം

മലയാള ചെറുകഥാ ലോകത്തേക്കുള്ള ഒരു കവാടമാണ് ഈ ബ്ലോഗ് . കവിതകള്‍ക്കായി ധാരാളം ബ്ലോഗുകള്‍ നിലവിലുണ്ടെങ്കിലും ചെറു കഥകള്‍ക്കായി മലയാളത്തില്‍ അത്തരം സൗകര്യങ്ങള്‍ കുറവാണെന്നു തോന്നുന്നു. സാഹിത്യ വിദ്യാര്‍ഥികള്‍ക്കും അധ്യാപകർക്കും മലയാളത്തിലെ പ്രശസ്തമായ ചെറു കഥകളെ  പരിചയപ്പെടുത്തലാണ് ഈ ബ്ലോഗിന്റെ ഉദ്ദേശ്യം. ഇന്റര്‍നെറ്റില്‍ പല ഇടങ്ങളിലായി ചിതറിക്കിടക്കുന്ന കഥകളെ ഒന്നിച്ച് ഒരിടത്ത് എത്തിക്കുകയാണ് ഇവിടെ ചെയ്യുന്നത്. ഓഡിയോ,വീഡിയോ, പിഡിഎഫ്, ടെക്സ്റ്റ്  തുടങ്ങി വിവിധ രൂപങ്ങളില്‍ ലഭ്യമായ  കഥകളെ തിരഞ്ഞ് കണ്ടെത്താനുള്ള സൗകര്യം ഇവിടെയുണ്ടായിരിക്കും. വാളെടുത്തവരെല്ലാം  വെളിച്ചപ്പാട് ആകുന്ന ഈ കാലത്ത് ഫെയ്സ്ബുക്കിലും വാട്സ്ആപ്പിലും വരുന്ന പൈങ്കിളി കഥകള്‍ക്ക് ഇവിടെ ഇടമില്ല. ലബ്ധപ്രതിഷ്ഠരായ എഴുത്തുകാരുടെ കഥകളുടെ ഗൗരവമേറിയ വായനയാണ് ഈ ബ്ലോഗുകൊണ്ട് ഉദ്ദേശിക്കുന്നത്. ഇതില്‍ ഉള്‍പ്പെടുത്താവുന്ന കഥകള്‍ ടെക്സ്റ്റ് ,പിഡിഎഫ് ,ഓഡിയോ ,വീഡിയോ തുടങ്ങി ഏതെങ്കിലും രൂപങ്ങളില്‍അയച്ചു തരികയോ ലിങ്കുകള്‍ നല്‍കുക ചെയ്താല്‍ അവയും ഇവിടെ ഉള്‍പ്പെടുത്താവുന്നതാണ്.